كلمتين عن معرض الكتاب
كلمتين
عن معرض الكتاب الدولي الثامن
معرض
الكتاب الدولي الثامن، صحيح كان من اهم الاحداث الثقافية الي صارت بالبلد خلال
السنة الماضية كلها بس برضو كان مليان اشياء غلط، مش عارف مين بالزبط المسؤول عنها
بس مش مهم المهم السنين الجاية يكون الوضع احسن وتتصلح الاخطاء.
اول
شي وبدون مقدمات بعض دور النشر الي شاركت بالمعرض حاولت تستغل الناس الي جايين ع
المعرض فرفعت اسعار الكتب، يعني الكتاب نفسه الي بالايام العادية بتشتريه ب10 شيكل
من اي مكتبة، بالمعرض موجود بسعر 20 شيكل، يعني انا مش فاهم.. الزوار الي جايين ع
المعرض حابين يدفعوا مصاري اكثر ع الكتب عشان عيون المعرض ولا عندهم مصاري زيادة
حابين هيك يتبرعوا فيها لعيون الثقافة الفلسطينية..
الي بطل حدا يهتم فيها ع الاغلب، يعني لو فكرت انا في يوم من الايام اتبرع بمبلغ لمشروع ثقافي مش رح اتبرع لدور النشر الي غالبا هدفها تجاري. طيب بلاش هدف دور النشر هو نشر الثقافة بشكل عام ونشر ثقافة القراءة وتشجيع الناس على المطالعة (معظم دور النشر ما بتعرف هذا الهدف)، بتقوم بترفع السعر ع الشعب الي اساسا عمرو بحياته ما قرا؟! طيب يعني عشان نشجع العالم تقرا لازم مش بس نوفرلهم الكتب، كمان نوفرلهم سعر مناسب ومشجع عشان يجيو يشتروا وبكثرة. بعدين الحدث منظم من وزارة الثقافة، يعني لو كان في دعم لدور النشر بحيث تتكفل الوزارة بجزء من السعر كان ممكن تكون الاسعار اقل شوية، وكان ممكن يزيد الاقبال من الناس ع الكتب. (لاحظوا انو الوزارة ودور النشر الهم نفس الاهداف تقريبا). انا بحكي هيك لانو معظم زوار المعرض كانو طلاب المدارس والجامعات وناس مش كثير مهتمة بالقراءة. يعني اشي ومنه.
الي بطل حدا يهتم فيها ع الاغلب، يعني لو فكرت انا في يوم من الايام اتبرع بمبلغ لمشروع ثقافي مش رح اتبرع لدور النشر الي غالبا هدفها تجاري. طيب بلاش هدف دور النشر هو نشر الثقافة بشكل عام ونشر ثقافة القراءة وتشجيع الناس على المطالعة (معظم دور النشر ما بتعرف هذا الهدف)، بتقوم بترفع السعر ع الشعب الي اساسا عمرو بحياته ما قرا؟! طيب يعني عشان نشجع العالم تقرا لازم مش بس نوفرلهم الكتب، كمان نوفرلهم سعر مناسب ومشجع عشان يجيو يشتروا وبكثرة. بعدين الحدث منظم من وزارة الثقافة، يعني لو كان في دعم لدور النشر بحيث تتكفل الوزارة بجزء من السعر كان ممكن تكون الاسعار اقل شوية، وكان ممكن يزيد الاقبال من الناس ع الكتب. (لاحظوا انو الوزارة ودور النشر الهم نفس الاهداف تقريبا). انا بحكي هيك لانو معظم زوار المعرض كانو طلاب المدارس والجامعات وناس مش كثير مهتمة بالقراءة. يعني اشي ومنه.
ثاني
شي بعض الشعراء والكتاب الي زاروا المعرض زاروه عشان هم محسوبين ع الثقافة وع
مثقفيها، يعني لانو حدث ثقافي وبالتالي بيعتبرو ان الموضوع بيمسهم بشكل مباشر، مش
عشان هم فعلا جايين يقراو ويتشتروا كتب ويتثقفوا، رياء يعني، لدرجة انو بعضهم كان
معني انو يعرض للناس كم كتاب اشترى وبالبيت الله يعلم شو رح يعمل بالكتب (يمكن
بيجهز حالو للشتوية! عشان يحرقهم بالصوبة !!!) ما علينا المهم انهم كانو مهتمين
بانو معلومة انهم شروا كتب كثير تصل لاكبر قدر ممكن من الناس يعني ما اسمهم الا
محسوبين ع الثقافة فيطلع من المعرض بدون كتب مش حلوة منو! بعدين الناس بيسحبوا
هويته الثقافية! لا ولسة ما حكينا عن الي كانو يضلو قاعدين ع المقاعد الي ع المدخل
24 ساعة (ما بحكي عن الي كانو من المنظمين ومن وزارة الثقافة) يعني بما انهم
مثقفين لازمو يواكبو التطور الي بيصير بالمعرض اول باول وبما انهم مش معنيين كتير
بالندوات واحتفالات توقيع الكتب وغيره فالافضل الهم انهم يضلو برا .. عشان برضو
الناس تشوفهم.
ثالث
شي شفت يافطة مكتوب عليها سريلانكا يعني زاوية لعرض الكتب السريلانكية، بس ما شفت
اشي لغزة، فمش عارف كم واحد قرا اسماء الكتب السريلانكية المعروضة ومش عارف كم
واحد كان رح يهتم بموضوع دار نشر من غزة اكثر من دولة سريلانكا، يمكن في اسباب انو
صعب تصل كتب غزة هون بس زي ما وصلت كتب مصر او سلطنة عمان مثلا ليش ما وصلت كتب
غزة ؟؟ سؤال بريء ع فكرة.
رابع
شي بعد 10 ايام من انتهاء المعرض كنت بالصدفة قريب من المنطقة الي صار فيها المعرض
فالاشي الي لفت انتباهي انو مكان المعرض كله يافطات ع الارض وبقايا كراتين وخشب
تابعة للمعرض (يافطة سريلانكا كانت ع الارض) هادا غير الاوساخ الي معبية المكان
بمعنى انو الواحد ما بيطيق يشوف المكان بعد ما خلص المعرض... طيب اذا كان المكان
الي بيزود الناس بالثقافة وضعوا هيك شو بدنا نحكي عن الناس! يعني لو اجا حد من
المنظمين من الوزارة او غيرو واهتم بموضوع النظافة شوي في المكان كان المنظر رح
يكون اهون بكتير والطف.
ع
العموم المعرض كان في اشياء كتير حلوة واشياء مفيدة، بس برضو كان في اخطاء كثيرة
كان لازم نتعامل معها بشكل افضل خاصة انو المعرض رقم 8 مش واحد واذا لسة ما اخذنا
عبرة من السبع معارض الفاتو يا ريت يكون التاسع غير.
أنس أبو عريش
أنس أبو عريش
جميل
انتقادات في مكانها
عُمان وبس
نقد منطقي يا أنس
وان شاء الله يكون التاسع أحسن..
ع الوجع
انس .. انت في نقدك تحاكي مشكلة مهمة في واقعنا و يجب التخلص منها باسرع وقت كما تفضلت ... نقدك واسلوب حوارك اعجبني جدا.. احسنت!!