فلسطين .. ع بال مين يلي بترقص بالعتمة
فلسطين ..
ع بال مين يلي بترقص بالعتمة - مالك أبو عريش
مش قصدي إنو أحبط حد ولا أقلل من شأن حد .. عشان هيك بعتذر
مسبقاً
طول عمري
بحس فلسطين بينطبق عليها المثل الي بقول ع بال مين يلي بترقص في العتمة .. احنا
عايشين في دولة بالرغم من أهميتها الدينية والاستراتيجية إلا انو كثير من سكان
العالم ما بعرفوا عنها لو معلومة وحدة، كثير بكون أتراسل مع اجانب بسألوني انت من
وين بجاوب من فلسطين، بتعرفها؟ الجواب بكون لا
يعني عندنا
مسرح فلسطيني .. بس مين بيسمع عن مسرحيات الفلسطينيين من برة ..
عندنا
أفلام فلسطينية .. بس وين أفلامنا ووين أفلام العالم .. من ناحية ميزانيات ..من
ناحية إمكانات .. من ناحية جوائز عالمية
عندنا إذاعات
وتلفزيونات فلسطينية .. بس مين بتابعها من برة فلسطين .. أو ع الأقل بعتبرها مصدر
من مصادره الإخبارية
عندنا
صحافة فلسطينية .. بس
شو حجم المعلومات الي بتكشف عنها .. بعدين احنا بنعرف صحفيين من برة .. بس مين من برة بعرف صحفيين من عندنا
شو حجم المعلومات الي بتكشف عنها .. بعدين احنا بنعرف صحفيين من برة .. بس مين من برة بعرف صحفيين من عندنا
عندنا
مؤسسات فلسطينية خاصة .. بس عمرنا ما سمعنا عن مؤسسة فلسطينية موّلت مشروع في دولة
ثانية
عندنا فكر
اقتصادي فلسطيني .. بس وين فكرنا من فكر العالم
عندنا بنوك
فلسطينية .. بس مين بيجي يحط مصاريه عندنا .. زي ما احنا بنروح نحط مصارينا في
سويسرا وامريكا
عندنا عقول
مفكرة فلسطينية .. بس وين اختراعاتها بالنسبة لاختراعات العقول الأجنبية أو
اليابانية
عندنا
مستشفيات فلسطينية .. بس مين عمرو سمع عن حالة تحولت من برة لفلسطين للعلاج .. أو
مين عمرو سمع عن مريض أجى ع فلسطين عشان يتعالج فيها
عندنا
اتحاد كرة قدم ومنتخب فلسطيني .. بس منتخبنا ترتيبو ع العالم 151 .. وعندنا دوري
فلسطيني .. بس مين بتابعو على الأقل من الدول العربية ..
في عندنا
قطاع خدمات .. مطاعم وفنادق وتأمينات .. بس مين بيجي يشتري مني هالخدمات
في عندنا
قطاع سياحة .. وعندنا مُدن سياحية فلسطينية .. بس مين بيجي يعمل سياحة عندنا
عندنا
جامعات فلسطينية .. بس شو بصير فيها مقارنة بجامعات الدول المتقدمة .. وين
الإختراعات .. ووين البحوث العلمية .. ووين الطلاب الأجانب الي بيجو يدرسوا فيها
نظراً للمميزات إلي فيها
عندنا نظام
تعليمي فلسطيني .. بس وين نظامنا التعليمي من الأنظمة التعليمية الي بتطبق في
العالم في أيامنا هذي
الشعب
الفلسطيني عايش .. بس مين حاسس فيه .. أو مين سامع صوتو
حتى الدولة
.. لما صرنا دولة فلسطين .. ما حدا حس فيها او شافها ع الخارطة
إذا كنت لا تملك حساباً على الفيس بوك أو لا ترغب بالتعليق باستخدام حساب الفيس بوك بامكانك نشر تعليقك باسم مجهول
لن يتطلب منك ذلك إدخال أي معلومات عنك
إختر من القائمة المنسدلة مجهول